.png)
Vjen titulli i dytë sezonal për Stefanos Tsitsipas, i dyti në dheun e kuq pas Masters 1000 të Montekarlos. Në Atp 250 të Lionit, greku nuk pati vështirësi për të fituar finalen ndaj britanikut Kameron Norri, edhe pse ky i fundit ka treguar se është një nga lojtarët më në formë të 2021-shit.
Tsitsipas e mbylli ndeshjen me dy sete nga 6-3, për një e 9 minuta, duke mos dhënë asnjëherë përshtypjen se do të rrezikonte në këtë finale ndaj një kundërshtari, që nuk kishte “armët” për ta vënë në vështirësi. Norri nga ana e tij ka bërë progres në fushat me dhe, një terren që është larg nga karakteristikat e tij teknike, por këtë herë ai është pushtuar nga emocionet dhe nuk ka gjetur zgjidhjet më të mira gjatë ndeshjes.
Stefanos Tsitsipas ka konfirmuar aftësitë e tij për t’i luajtur me autoritet ndeshjet vendimtare, sidomos në 250, ku ka 5 fitore në 5 finale. Në total, triumfet e grekut në turet e mëdha janë shtatë, por tani përqendrimi i tij është i gjithi te Roland Garros, objektivi i vërtetë i kësaj pjese të sezonit. Përveç të zakonshmëve Rafael Nadal dhe Novak Gjokoviç, duket se është pikërisht Stefanos Tsitsipas kandidati i tretë për të fitimin e turneut të madh francez.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
