.png)
Pas shpalljes fajtor të policit që vrau George Floyd, kampioni i basketbollit amerikan ka shkruar në Tuiter: “Drejtësia shkoi në vend”. Edhe “Association”, bashkë me sindikatën e lojtarëve, kanë dalë me një komunikatë, ku shprehen të kënaqur për verdiktin.
Trajneri i Atlanta Hawks, Nate McMillan, shpjegon se nuk ishte i sigurt, nëse ndeshja e së martës kundër Orlando Magic do të luhej, po të kishim një verdikt ndryshe. Por jo, Derek Chauvin, polici nga Mineapolis që akuzohej për vrasjen e afroamerikanit George Floyd, duke i mbajtur një këmbë në qafë për 9 minuta, është shpallur fajtor.
LeBron James, që prej kohësh lufton kundër brutalitetit të policisë ndaj afroamerikanëve, menjëherë ka shprehur kënaqësinë e tij: “Accountability”.
Pra, më në fund drejtësia triumfoi. Ka reaguar edhe NBA, që këto muaj gjithmonë ka qenë afër lojtarëve të saj në këtë betejë epokale. Bashkë me sindikatën e lojtarëve, shoqata ka dalë me një komunikatë, ku shkruan: “Jemi të kënaqur që drejtësia u vu në vend. Por mbetet ende shumë punë për të bërë”.
Skuadra lokale e Minnesota Timberwolves ia ka dedikuar fitoren familjes Floyd dhe bashkë me skuadrën e WNBA, Lynx, kanë shkruar: “Lutjet tona më të thella kanë qenë me familjen Floyd që në ditën e tragjedisë”. Polici vrasës, Chauvin, rrezikon deri në 40 vite burg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje