.png)
Partizani bën bis trofesh në volejboll. Një ditë pas titullit të fituar me ekipin e femrave, sot ishte radha e meshkujve që të shpalleshin kampionë të vendit. Ky është titulli i 15-të për Partizanin e rrjetës për meshkuj.
Ekipi i drejtuar nga trajneri i njohur, Ylli Tomorri, ka mundur Erzenin edhe në ndeshjen e tretë finale, duke mos u lënë asnjë shans shijakasve dhe duke siguruar kështu trofeun. Në “Feti Borova” të kuqtë fituan 3-0 në ndeshjen e sotme, ndërsa rezultatet e seteve janë 25-18, 25-19 dhe 25-23.
Dominimi i Partizanit këtë sezon ka qenë i dukshëm. Vetëm fitore kanë regjistruar djemtë e Ylli Tomorrit, si në fazën e grupeve, ashtu edhe në “Play-off”. Për këtë skuadër është trofeu i dytë sezonal, pas Kupës së Shqipërisë së fituar pak javë më parë dhe përsëri ndaj Erzenit.
Ky sukses i klubit të kuq, kampion në volejboll me të dy ekipet, ndoshta është një ogur i mirë edhe për futbollin. Nëse edhe Partizani i Dajës shpallet kampion, atëherë 2021-shi do të ishte një vit për t’u mbajtur mend gjatë nga kryeqytetasit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje