.png)
Gucci ka nxjerrë në treg një palë atlete për vetëm 17.99 dollarë, një shumë e vogël në krahasim me çmimet e markës. I vetmi problem? Ato janë vetëm online dhe mund të provohen vetëm online.
Të dizenjuara nga drejtori kreativ Alessandro Michele, ato janë produkti i parë dixhital i shtëpisë së modës që krijon modele 3D të atleteve.
Këpucët e reja të Gucci nuk ekzistojnë në botën reale. Ato janë një lloj filtri që çdokush mund ta provojë duke i përshtatur me numrin e këmbës dhe më pas duke i treguar në internet përmes fotove.
Ato mund të provohen në aplikacionin Wanna, një aplikacion që është përdorur nga marka të tilla si Reebok, Farfetch dhe Puma për të testuar qasjen e konsumatorëve në testimin virtual të këpucëve dhe veshjeve. Gucci gjithashtu ka dixhitalizuar katalogun e vet të atleteve përmes aplikacionit për t’u dhënë klientëve të interesuar mundësinë të provojnë modele të ndryshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
