.png)
“Në atë moshë dhe me atë peshë që ka sot, natyrisht që nuk mund të luajë si 15 vite më parë”. Edhe një herë kritika nga ana e ish-tenistit rumun Ion Tiriac për amerikanen Serena Uilliams. Kritika që janë në limitin e një sulmi ndaj Uilliams.
Ish-tenisti rumun, sot pronar i kompanisë që ka të drejtën televizive të turneut të Madridit, ka folur ashpër gjatë një prononcimi për një televizion rumun për formën e amerikanes. “Serena ka qenë një lojtare e mrekullueshme, por tani, nëse ka pak mirësjellje, ka ardhur momenti të tërhiqet, nga çdo pikëpamje”, – ka thënë ai. Tiriac e ka sulmuar Serena Uilliams edhe dy vite më parë, duke ironizuar me peshën e saj.
Menjëherë kanë ardhur reagimet për deklaratën e rumunit. Aleksis Ohanian, bashkëshorti i 39-vjeçares, ka replikuar me disa postime në Tuiter. “Një koment injorant, një koment seksist dhe ndoshta ai që e ka bërë është një injorant. Është bukur të shohësh që askush nuk i kushton vëmendje asaj që Ion Tiriac thotë. Bëra një kërkim dhe pashë që djali im 3 vjeç ka më shumë fitore Slam se ai. Serena Uilliams ka fituar 23 tituj Slam, Tiriac asnjë”, – shkruante Ohanian.
Polemikat në rrjetet sociale kanë ardhur duke u shtuar dhe ata që mbrojnë Serena Uilliams janë të shumtë. Vetë tenistja nuk ka bërë asnjë koment.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje