.png)
Ka nisur me dy rezultate befasuese sezoni 2020-2021 në basketbollin amerikan. Në Los Anxheles, Lejkërsat kampionë e kanë filluar me buzëqeshje ceremoninë e unazave, por janë mundur në derbi 109-116 nga Klipersat. Kurse në Bruklin, Netsat e rinovuar mundën 125-99 Golden Stejt Uarriors, me 26 pikë të Irving dhe 22 të Kevin Durant, i rikthyer pas një mungesë të gjatë për shkak dëmtimi.
Pas ceremonisë së dorëzimit të unazave, shumë më ndryshe se zakonisht për shkak të mungesës së publikut, kampionët në fuqi janë kthyer në “tokë”. Festa e tyre është prishur nga Klipersat. E vështirë të kuptohet, nëse kanë ndikuar emocionet, por u pa qartë se Klipersat ishin më të motivuar, pas zhgënjimit në “play-off” në Orlando.
Në fraksionin e parë, skuadra e udhëhequr nga Pol Xhorxh dhe Kauhi Leonard, shkoi deri në 22 pikë avantazh, duke i dhënë drejtim ndeshjes. Lejkërsat provuan të rikuepronin dhe shkuan deri te barazimi në mesin e periodës së tretë, falë LeBron Xhejms (22 pikë) Antoni Davis (18) dhe Montrezl Harrel (17). Por, Klipersat e rritën lojën në fundin e ndeshjes dhe Xhorxh e mbylli me 33 pikë, kurse Leonard me 26 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje