.png)
Gjatë pandemisë është vënë re një rritje e mikrobeve rezistuese ndaj shumë ilaçeve, veçanërisht në pacientët e pranuar në kujdes intensiv, paralajmëroi Pierluigi Viale, drejtor i Njësisë Operative të IRCCS në Poliklinikën “Sant’Orsola”, Bolonjë.
“Për të bërë parandalimin, duhet të fillojmë nga praktikat më elementare të kujdesit të mirë, të tilla si larja e duarve, duke pasur parasysh që pacientët e shtruar në spital janë transportues madje edhe të baktereve shumë rezistente dhe ndihma e vazhdueshme që ata marrin nga profesionistë të shëndetit mund të bëhet një mjet për zhvendosjen e mikrobeve”, shpjegon Francesco Cristini, drejtori i Njësisë Operative të Sëmundjeve Infektive të Spitalit Rimini dhe Forlì/Cesena-s.
“Pastaj, është edhe ana farmakologjike, ku çështja e abuzimit me antibiotikë del çdo vit me epideminë e gripit dimëror dhe propozohet sërish këtë vit për COVID-19, që janë infeksione virale dhe për të cilat nuk nevojiten antibiotikë, përveçse në pacientët e përzgjedhur mirë që mund të kenë një infeksion bakterial shoqërues, madje edhe të dyshuar “, shtoi ai.
Viale thekson se, për t’u përballur me një urgjencë të destinuar të bëhet një nga shkaqet kryesore të vdekjes, antibiotikët e rinj dhe kërkimi shkencor duhet të garantojnë përparim të mëtejshëm sa më shpejt. /ATA
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje