E gjithë bota është sot me sytë drejt Amerikës, ku zgjedhjet presidenciale të 3 nëntorit pritet të vulosin fatin jo të vetëm të Shteteve të Bashkuara të Amerikës por edhe botës në katër vitet e ardhshme.
Ka qenë një fushatë elektorale e jashtëzakonshme, ndonjëherë shqetësuese dhe sigurisht edhe e paimagjinueshme. Kush do ta mendonte se një pandemi globale do të kthehej në çështjen më të rëndësishme të fushatës. Ndërkohë që votuesit amerikanë do të nisen sot drejt qendrave të votimit, në ato që po përshkruhen si zgjedhjet më të rëndësishme të dekadave të fundit, ekspertët thonë se ekzistojnë tre skenarë të mundshëm.
1 – Biden fiton me diferencë të ngushtë
Skenari i parë është se sondazhet të rezultojnë të vërteta dhe Joe Biden të korrë një fitore të lehtë të martën në mbrëmje.
Me gjithë trazirat dhe rrëmujat e kësaj fushate, sondazhet kombëtare dhe sondazhet vendimtare të shtetit kanë qenë në mënyrë të qëndrueshme. Asgjë nuk ka ndodhur. Asgjë nuk ka lëvizur. Biden ka shijuar një epërsi të madhe në shkallë kombëtare dhe epërsi të lehtë në shtetet si Florida, Arizona dhe Karolina e Veriut, dhe një diferencë të ngjashme në shtetet veriore si Uisconsin, Michigan dhe Pennsilvani.
Kur raportojmë sondazhet normalisht themi se ka një margjinë gabimi prej 3%, por ekspertët thonë se në këto zgjedhje margjina e gabimit ka të ngjarë të jetë vetëm 0,1%. Pra, nëse të martën në mbrëmje ky rezulton të jetë rezultati final, analistët thonë se nuk do të befasohem aspak.
2 – Fitorja e papritur e Trump
Tani të vijmë tek skenari i dytë i mundshëm. Ashtu si në vitin 2016, sondazhet mund të rezultojnë të gabuara dhe Donald Trump fiton një mandat të dytë. Çelësi i suksesit të tij është ajo që ndodh në Pensilvani dhe Florida.
Askush nuk i beson se sondazhet që tregojnë Biden tre ose katër pikë përpara në shtetin e tij të lindjen së Pensilvani apo se ka përparësi në Florida, bastionin e republikanavë. Dhe në vitin 2020 Trump po ecën shumë më mirë me komunitetet latine se sa në vitin 2016.
Po kështu Pensilvania është një nga bastionet e Trump, ku në votuesit e klasës punëtore mund të jenë ata që do t’i japin një tjetër mandat presidentit.
A mund t’u besojmë sondazheve këtë herë?
Në këto zgjedhje të kufizuara nga pandemia, në Florida, Ohio, Tenesi, Pensilvani, Karolinën e Veriut, Georgia dhe Virginia, apo kudo që të shkoni, ju gjeni mbështetës të Trump që jo vetëm e pëlqejnë presidentin e 45-të të Amerikës: ata e adhurojnë atë.
Demokratët janë duke thënë se sa i papërgjegjshëm është treguar Trump duke mbledhur mijëra njerëz së bashku kur nuk ka distancë sociale pandemi, por administrata e tij ka një arsye të zgjuar për ta bërë këtë.
Për të marrë pjesë në këto tubime, qytetarët duhet të regjistrohen në internet, ku stafi i fushatës ndjek një sërë procedurash për të parë nëse janë në regjistrin zgjedhor, dhe nëse nuk jeni, ata do i regjistrojnë. Mijëra dhe mijëra njerëz janë regjistruar për të votuar si rezultat i kësaj dhe heqja e kësaj pengese i shtyn të gjithë qytetarët për të votuar. Një arsye tjetër për fitoren Trump nuk do t’i habiste eskperëtët është se Joe Biden nuk ka patur një fushatë frymëzuese.
Nëse ka dikë që përfaqëson një “ujk të vjetër” të politikës amerikane, ai është ai. Procesi i plakjes është mizor për të gjithë, por presidenti duket shumë më i gjallë dhe më i fuqishëm se Biden, edhe pse kanë vetëm tre vjet diferencë. Nuk duket sikur Biden paraqet “shpresë” për ta rikthyer Amerikën në epokën e Obamas. E vetmja që gjitha që ai ofron është se “ai nuk është Donald Trump.”
Megjithatë, në vitin 2020, kjo është një fjali jashtëzakonisht e fuqishme. Nuk është se njerëzit duan Biden, ata thjesht nuk e duan këtë presidencë të zhurmshme e cila ka lënë Amerikën kaq të përcarë.
3 – Fitorja tronditëse e tronditjes për Biden
Tani të shkojmë drejt skenarit të tretë. Ai është njësoj si i dyti, sondazhet janë të gabuara. Me përjashtim se kësaj here sondazhet janë të gabuara në drejtim të kundërt. Dhe kjo është mundësia që Biden jo vetëm të fitojë, por të triumfojë, në mënyrë të ngjashme me fitoren e Ronald Reagan ndaj Jimmy Carter në vitin 1980. Ose fitorja e George HË Bush mbi Michael Dukakis në vitin 1988.
Presidenti është përballur në javën e fundit të fushatës me rritjen e rasteve me koronavirus të në nivelet më të larta të të gjitha kohërave, ndërkohë që numri i viktimave ka arritur në një mijë në ditë. Po ashtu tregu i aksioneve ka qënë në javën e tij më të keqe që nga marsi. Ndryshe nga viti 2016, kur Donald Trump kishte një mesazh shumë të qartë për popullin amerikan: ai donte të ndërtonte një mur, ai donte të mbante myslimanët jashtë, ai donte të rinegocionte marrëveshjet tregtare, në vitin 2020 ai është përpjekur të artikulojë se cdo bëjë mandatin e dytë.
Pra, nëse “shpërthimi” do të ndodhte, Biden jo vetëm që fiton shtetet që kemi renditur në skenarin e parë, por merr edhe Teksasit, Ohios, Ioëa, Georgia, ndoshta edhe Karolinën e Jugut.
Nuk ka gjasa mbase, por nëse ndiqni paratë, shikoni sondazhet, shikoni modelet e votimit të hershëm, shikoni se aty ku demokratët kanë intensifikuar fushatën, ku ka numër të jashtëzakonshëm të votuesve të rinj, nuk është e pamundur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
