.png)
Nga Gazeta ‘SI’ – Rreth 3.5% e popullsisë së Shqipërisë jeton ende pa tualet brenda shtëpisë, shifër kjo më e larta në rajon. Për krahasim, në Europë rekordin e mban Rumania, me mbi 20%. Sipas Eurostat, ky tregues lidhet me varfërinë, privimin material dhe rreziqet për shëndetin e qytetarëve.
Shqipëria është gjithashtu një nga pak vendet evropiane që përjeton mostrajtim të ujërave të zeza, duke prekur rreth 80% të popullsisë, ndërsa mesatarja në BE është 81%.
Cilësia e ujit në lumenjtë shqiptarë mbetet problematike. Niveli i BOD (oksigjen biokimik) arrin 8 mg/L, më i larti në Europë, për shkak të shkarkimeve nga impiantet e trajtimit të ujërave, industria dhe bujqësia. Për krahasim, lumenjtë e pastër kanë BOD nën 1 mg/L, ndërsa lumenjtë mesatarisht të ndotur paraqesin vlera nga 2 deri në 8 mg/L. Ndotja organike e rëndë mund të shkaktojë deoksigjenim të ujit, duke kërcënuar peshqit dhe kafshët pa skelet.
Një tregues pozitiv është Indeksi i Shfrytëzimit të Ujit (WEI+), që mat konsumin e ujit në përqindje të burimeve të rinovueshme. Shqipëria ka një konsum prej rreth 4%, duke u renditur si një nga vendet me stres ujor më të ulët në Europë, ndërsa Qipro dhe Malta kanë nivele shumë më të larta: 71% dhe 34%. Megjithatë, këto vlera mund të ndryshojnë sezonalisht.
Mungesa e ujit është më e zakonshme në Europën Jugore, ku rreth 30% e popullsisë jeton në zona me stres të përhershëm ujor dhe deri në 70% në zona me stres sezonal.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje