7 janar 1959 SHBA njohu qeverinë e Fidel Castros për ta rrëzuar atë më vonë

16:26 - 07 Janar 2022

7 janarin e 63 viteve më parë, Shtetet e Bashkuara të Amerikës njohën qeverinë e re të Kubës, drejtuar nga Fidel Kastro.

Pas këtij fillimi premtues, marrëdhëniet midis dy vendeve u përkeqësuan pothuajse menjëherë. Zyrtarët e SHBA-së kuptuan se Kastro ishte i vetëm në ushtrimin e pushtetit në Kubë.

Politika e tij mbi shtetëzimin e pronave amerikane në Kubë, marrëdhëniet e ngushta ekonomiko-politike me vendet komunistë, bindën SHBA-në se regjimi i Kastro duhej rrëzuar.

Në më pak se dy vite më vonë, Shtetet e Bashkuara ndërprenë marrëdhëniet diplomatike me Havanën, dhe në prill 1961, ndërmorrën operacionin ushtarak kundër qeverisë së Kastros, por pa fitore.

Operacioni i Gjirit të Derrave rezultoi në dështim të plotë për amerikanët./VOA

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.