.png)
Shqipëria ka nënshkruar një marrëveshje 50 milionë euroshe me shtetin gjerman për financimin e projektit “Transporti i gjelbërt i Tiranës”.
Lajmi është njoftuar nga Ambasada Gjermane në Shqipëri dhe projekti synon të studiojë thellësisht fizibilitetin e shpejtësisë së qarkullimit të autobusëve, si një problem madhor i transportit publik në vendin tonë. Projekti do të fokusohet tek 3 linjat më problematike, Kinostudio-Kombinat, Unaza dhe Tirana e re. Transport miqësor me klimën dhe qytetarët.
Në vitin 2019, kryetari i Bashkisë së Tiranës njoftoi për planin e “Transportit të gjelbërt” ku konsistonte përdorimi i autobusëve dhe taksive elektrikë me 0% ndotje, sipas tij.
Veliaj lajmëroi se Shqipëria do të mbështetej në modelin hungarez. Fillimisht ishte menduar që linja e parë e transportit që do “të gjelbërohej” do të ishte ajo e sheshit Skënderbe deri në Rinas, por nuk u vu në funksion. Momentalisht, në Tiranë operojnë me elektricitet vetëm taksitë dhe asnjë autobus.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje