Në komunikimin e përditshëm, Albana Fiço, drejtoresha e ISHP njoftoi se në vendin tonë janë shtuar edhe 5 raste të reja të prekura nga COVID-19. Fiço tha se deri më tani janë testuar 505 raste të dyshuara.
Nga rastet e konfirmuara pozitivë:
Tiranë 22 raste
Durrës 5 raste (njëri prej të cilëve ka ndërruar jetë)
Lushnjë 2 raste
Elbasan 2 raste
Fier 5 raste
Rrogozhinë 2 raste .
Ekspertja bëri me dije se 12 prej të prekurve janë shtruar në Spitalin Infektiv.
“Dy prej tyre janë në terapi intensive, një 66 vjeçar nga Lushnja dhe një 61-vjeçare nga Fieri. Ndërsa pjesa tjetër e të shtruarve në pavijon janë në gjendje të stabilizuar deri në këto momente. Dua t’ju bëj thirrje edhe një herë të gjithë qytetarëve, të respektojnë rregullat e reja dhe të qëndrojnë në shtëpi. Të kufizojmë rrezikun sa më shumë të jetë e mundur!,” theksoi Fico
Ndër të tjera ekspertja e ISHP ka deklaruar për mediat gjithashtu se personeli mjekësor i Beratit qe ka qenë në vetëkarantinë, është testuar dhe ka rezultuar negativ. Ndërkohë për sa i përket personelit mjekësor në Durrës, Fico tha se që prej ditës së djeshme nuk rezultojnë më raste të dyshuara.
Ndërsa, pas rastit të 61 vjeçare nga Fieri që rezultoi me koronavirusi, Fico tha se ka personel mjekësor që i ka shërbyer pacientes është në vetëkarantinim.
Gjithashtu, Fico i ka bërë thirrje qytetarëve që përpos panikut dhe frikës t’i japin informacion të plotë ekipeve mjekësore, pasi sipas saj ka pasur disa raste, ku informacioni i kërkuar nuk ka qenë i plotë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
