.png)
E thënë në këtë mënyrë duket dicka abstrakte por në vazhdim do të shpjegojmë se për kë dhe ku bëhet fjalë. “Australian Open” është Grand Slam-i i parë sezonal në tenis dhe prej ditës së djeshme ka filluar gara për zbritjen e Sinner (meshkuj) dhe Sabalenka-s (femra) nga froni. Në shkrimin tonë do të sjellim një statistikë të rrallë të cilën vetëm katër tenistë e kanë realizuar në këtë mijëvjecar. Turneu australian zhvillohet në sipërfaqen e cimentos.
Numri më i madh i fitoreve rradhazi në 24 vitet e fundit është 15 dhe sportistët janë 4 dhe ne po e nisim me Andre Kirk Agassi-n i njohur si Andre Agassi. Tenisti amerikan fitoi 4 herë në Melbourne në vitet 1995, 2000, 2001 dhe 2003. Në 3 edicionet e viteve 2000 ai u bë i pari që arrinte 15 fitore rradhazi.
Pas tij dicka të tillë e arriti zvicerani Roger Federer që triumfoi 6 herë në “Australian Open”, të gjitha pas viteve 2000. Ndër to dy herë radhazi në vitet 2006-2007 dhe 2017-2018. Turneun e parë e fitoi në vitin 2004 ndërsa të fundit në 2018. Mjaftueshëm që të bëhej tenisti i dytë që realizonte 15 fitore rradhazi në sipërfaqen e cimentos, më e shpejta në tenis.
Klasifikimi vazhdon me Novak Djokovic që ka fituar një dekadë në Melbourne, ndryshe 10 turne në tokën e kangurëve. Nga to ka fituar rradhazi në vitet 2011-2012-2013, 2015-2016 dhe 2019-2020-2021. Suksesin e parë e realizoi në 2008 dhe të fundit dy vite më parë. Ai u bashkua me Agassi-n dhe Federer si 3 të vetmit në dominimin e sipërfaqes së shpejtë në këtë mijëvjecar.
Kjo deri vitin që lamë pas kur Jannik Sinner i befasoi të gjithë duke thyer pjesën dërrmuese të rivalëve në cimento dhe jo vetëm. 23 vjecari që fitoi 3 nga 4 Grand Slam-et e vitit 2024 është tenisti që arriti 15 fitore në sipërfaqen e shpejtë në kohën më të shkurtër. Një rival të cilin Djokovic mund ta takojë vetëm në Finale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
