.png)
Një 76-vjeçar i cili kishte 39 gra dhe 94 fëmijë dhe është quajtur kryefamiljari i familjes më të madhe në botë ka vdekur në Indinë veri-lindore.
“Ziona Chana, kreu i një sekti të krishterë lokal që lejon poligaminë, vdiq të Dielën”, tha Zoramthanga, kryeministri i Mizoram.
Me një total prej 167 anëtarësh, familja është më e madhja në botë, sipas mediave lokale, megjithëse kjo varet nga fakti nëse i llogaritni nipërit, nga të cilët Ziona ka 33.
Ziona jetonte me familjen e tij në një shtëpi katër katëshe me rreth 100 dhoma në Baktawng, një fshat i largët në Mizoram që u bë një atraksion turistik si rezultat i këtij detaji.
Sekti, i quajtur “Chana”, u themelua nga babai i Ziona në 1942 dhe ka një anëtarësi të qindra familjeve. Ziona u martua me gruan e tij të parë kur ishte 17 vjeç dhe pretendonte se ai ishte martuar me dhjetë gra në një vit të vetëm.
Pavarësisht nga përmasat e mëdha të familjes së tij, Ziona i tha Reuters në një intervistë të vitit 2011 se donte ta rriste edhe më tej.
“Unë jam gati të zgjeroj familjen time dhe jam i gatshëm të martohem përsëri. Kam kaq shumë njerëz për t’u kujdesur dhe e konsideroj veten njeri me fat”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje