.png)
Gazeta Si- Tridhjetë vjet më parë, më 1 maj 1994, piloti brazilian Ayrton Senna ndërroi jetë. Legjenda e Formula 1 vdiq në moshën 34-vjeçare në një aksident të tmerrshëm në Imola gjatë Çmimit të Madh të San Marinos.
Gjatë xhiros së shtatë, Senna, i cili ishte nisur në “pole position”, doli me largua nga pista me makinën e Williams-Renault në kthesën e Tamburello-s me shpejtësi shumë të lartë.
Piloti brazilian nuk ishte më në gjendje të kontrollonte makinën për shkak të humbjes së kontrollit pas përplasjes.
Ai u përpoq të frenonte, por përfundoi pas murit në buzë të pistës. I dërguar me urgjencë në spitalin Maggiore në Bolonja, ai u deklarua i vdekur katër orë e 17 minuta pas aksidentit.
Gjatë karrierës së tij, Senna konkurroi në 161 Grand Prix, duke marrë 65 “pole position” dhe duke fituar 41 herë, me 80 podiume në përgjithësi.
Ai u bë kampion bote në vitet 1988, 1990 dhe 1991. Në Brazil u shpallën tri ditë zie kombëtare pas vdekjes së tij.
Miliona njerëz morën pjesë në funeralin shtetëror më 5 maj. Trupi i tij u varros në varrezat e Morumbi-t, një lagje e São Paulos.
Në varrin e pilotit është një citim nga letra e Shën Palit drejtuar romanëve: "Asgjë nuk mund të më ndajë nga dashuria e Zotit".
Procesi, i cili filloi në 1997, për të përcaktuar përgjegjësinë për aksidentin çoi në disa polemika.
Shkak i përplasjes u zbulua se ishte thyerja e kolonës së timonit, një ngjarje e cilësuar e shmangshme dhe që i atribuohet drejtorit teknik, Patrick Head.
Megjithatë, në vitin 2005, Gjykata e Apelit të Bolonjës vendosi që drejtuesi "nuk duhet të ndiqet penalisht", pasi akuza që i atribuohej atij ishte shuar me statut të kufizimeve".
Megjithatë, si pronari i skuderisë, Williams F1, Frank Williams, ashtu edhe projektuesi i makinës, Adrian Newey, u shpallën të pafajshëm në të tre shkallë e gjyqësorit italian.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
