Policia e Vlorës gjatë 24 orëve të fundit ka arrestuar 3 persona për vepra të ndryshme penale.
Është vënë në pranga shtetasi N. S., 66 vjeç, banues në fshatin Romës, Selenicë.
Siç thuhet në njoftimin e policisë, arrestimi i tij është bërë pasi nga kontrolli i ushtruar në banesën e tij, i është gjetur e fshehur 2.3 kilogramë lëndë narkotike kanabis sattiva dhe një armë gjahu pa leje.
Po ashtu është vënë në pranga shtetasi M. P., 45 vjeç, banues në Vlorë.
Arrestimi i tij u bë në lagjen “24 Maji”, pasi u kap duke drejtuar një motokarro në gjendje të dehur.
Gjithashtu është ndaluar edhe shtetasi T.K., 23 vjeç, banues në fshatin Shëndëlli, Sarandë, i cili ishte në kërkim.
Gjykata e Shkallës së Parë Sarandë i kishte caktuar masën e sigurisë “Arrest në burg” për veprën penale të vjedhjes.
Materialet iu referuan Prokurorisë në ngarkim të secilit për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
