Në 24 orët e fundit janë konfirmuar 15 raste të reja me Covid-19. Eugena Tomini nga ISHP bëri me dije se rastet e konfirmuara janë 10 në Tiranë, 2 në Kamëz dhe 3 në Shkodër. Duke bërë thirrje për distancim social dhe kujdes, Tomini tregoi se rastet e Kamzës janë identifikuar pas një ceremonie mortore.
Gjithashtu Tomini i bëri thirrje qytetarëve që të evitojnë ceremonitë mortore apo ceremonitë e gëzimit, ndërsa tha se në spitalin infektiv aktualisht janë të shtruar 24 pacientë dhe prej tyre 5 janë në terapi intensive.
“1 rast është i intubuar. Rreth 9 për qind e të prekurve aktiv aktualisht kërkojnë trajtim spitalor aktualisht, ndërsa pjesa tjetër ndiqet nga mjeku i familjes. Në vendon tonë janë aktiv 269 persona dhe 69% e të prekurve janë në Tiranë,” deklaroi Tomini.
Më tej ekspertja deklaroi se në laboratorin mikrobiologjik në QSUT, janë kryer 2035 testime serologjike në personelin shëndetësor me një përqindje pozitiviteti 7%. Tomini i bëri thirrje qytetarëve të qëndrojnë të kujdesshëm dhe të mos neglizhojnë simptomat e sëmundjes, por të telefonojnë numrin 127, ndërsa për informacion apo këshillim psikologjik të kontaktojnë numrin 0800 40 40.
Shpërndarja gjeografike e rasteve aktive është si vijon:
Tiranë 185
Krujë 22
Kamëz 14
Shkodër 14
Durrës 12
Mat 9
Lushnje 6
Berat 2
Fier 2
Korçë 1
Librazhd 1
Mallakastër 1
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
