.png)
Nga Gazeta Si - Shqiptarët në Amerikë kanë festuar 112-vjetorin e Pavarësisë në Nju Jork.
Kreu i Bashkisë së Nju Jorkut, Eric Adams ka mbajtur një ceremoni në Bowling Green në Lower Manhattan për të përkujtuar ditën e 112-vjetorit të Pavarësisë së Shqipërisë.
Shqiptarët e vlerësuar gjatë kësaj ceremonie ishin Bera Mjeku, Fadil Berisha dhe Esad Gjonbalaj që u nderuan për ndikimin dhe kontributin e tyre në komunitet.
Lutja e hapjes u mbajt nga Imam Kukaj nga Qendra Islamike Shqiptaro-Amerikane e Staten Island.
Kryebashkiaku Eric Adams përshëndeti të gjithë duke treguar simbolikën e ngritjes së flamurit shqiptar krah për krah atij amerikan.
Pjesë e programit ishte edhe një shfaqje kërcimi nga Teatri i Baletit Ajkun.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
