Pas shumë kërkesave dhe debateve në muajt e fundit ka ardhur vendimi zyrtari. Video Assistant Referee (VAR) do të përdoret edhe në Ligën e Kampionëve. Vendimi Është marrë gjatë mbledhjes së Komitetit Ekzekutiv të UEFA-s, të mbajtur në Dublin të Irlandës.
Me aprovimin e presidentit të organizimit evropian të futbollit, Aleksandër Ceferin, Var do të fillojë të përdoret në Champions duke filluar që nga ky sezon në fazën e 1/8-ve. Në sezonin e ardhshëm sistemi Var do të fillojë të përdoret duke filluar që nga faza e grupeve.
Lajmi është zyrtarizuar përmes një postimi në rrjetet sociale të UEFA-s që bën me dije se pas kalimit me sukses të testeve, VAR do të përdoret në Champions League, duke filluar që 16 shkurti i vitit që vjen.
Edhe pse kishte pasur propozime që sistemi VAR të përdorej që në play-off, me insistimin e Ceferin, u vendos që të përdoret duke filluar që nga faza e grupeve.
Hapi tjetër në futjen e teknologjisë në fushën e futbollit do të jetë implementimi i saj edhe në fushatat eliminatore. Por ndërkohë UEFA ka njoftuar se sistemi VAR do të përdoret edhe në Kampionatin Evropian U-21 që do të mbahet vitin që vjen në Itali.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
