Gazeta Si – Ishte një lajm që pritej, tani ka marrë edhe formë zyrtare. Pasi u përjashtua nga Botërori dhe Liga e Kombeve, Rusia nuk do të marrë pjesë as në kualifikueset e Euro 2024. Një sanksion ky për shkak të pushtimit të Ukrainës.
Federata Ruse e Futbollit ka zyrtarizuar gjithcka me anë të një komunikate, ku shkruan: “Kombëtarja ruse nuk do të marrë pjesë në shortin e kualifikueseve të Europianit 2024, që do të hidhet më 9 tetor në Frankfurt.
Arsyeja ka të bëjë me vendimin e UEFA-s të shkurtit të kaluar për ndalimin e pjesëmarrjes të skuadrave kombëtare dhe klubeve ruse në kompeticionet e saj deri në një vendim tjetër. Ky vendim është çuar nga Federata Ruse në KAS-in e Lozanës, që në korrik e hodhi poshtë rekursin.
Federata është në pritje të vendimit të argumentuar të KAS-it dhe më pas do të ndjekë hapat e tjerë të kuadrit juridik”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
