Gazeta Si – Ndryshon zyrtarisht programi i Botërorit të Katarit, që do të zhvillohet në nëntor-dhjetor. Komiteti i presidencës së FIFA-s ka vendosur ta pranojë në unanimitet kërkesën e organizatorëve për ta afruar një ditë fillimin e kompeticionit.
Ndeshja inauguruese nuk do të luhet më 21 nëntor mes Senegalit dhe Holandës, por më 20 nëntor mes Katarit dhe Ekuadorit. Është afruar edhe ceremonia e hapjes, që do zhvillohet para ndeshjes së parë.
Pro kërkesës së Katarit kanë votuar edhe presidentët e skuadrave të prekura, Alejandro Dominguez i Conmebol, ku bën pjesë Ekuadori, si dhe Aleksander Ceferin i UEFA-s, ku bën pjesë Holanda.
Ndryshimi garanton vazhdimësinë e një traditë të gjatë, ku ndeshjen e parë e luan skuadra vendëse, ose ajo fituese në fuqi e trofeut të Kupës së Botës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
