Gazeta Si – Një mbledhje e Këshillit të FIFA-s ka sjellë disa vendime të rëndësishme zyrtare. Bëhet fjalë për të reja që do të hyjnë në fuqi që në Botërorin e Katarit, që luhet në fund të vitit.
Vendimi më i rëndësishëm i takon zjgerimit të listës së lojtarëve për çdo kombëtare. Nga 23 lojtarë që ishte deri tani, kalon në 26 lojtarë.
Zgjerohet edhe lista provizore. Do të jenë të gatshëm që të futen në listën zyrtare 55 lojtarë nga 35 që ishte deri tani.
Modifikimi i këtyre kritereve ka të bëjë edhe me kushtet e veçanta, ku do të luhet turneu. Në mes të sezonit futbollistik, ku kalendari do të jetë shumë i ngjeshur.
Vendimet e Këshillit, sipas asaj që lexohet në njoftimin zyrtar, janë marrë për të garantuar “më shumë fleksibilitet për shkak të kohës kur luhet Kupa e Botës 2022 në kalendarin global, si dhe për të shmangur efektet e shkaktuara nga pandemia e Covid-19 “.
FIFA World Cup Qatar 2022 qualification ends. #FIFA_world_cup #Qatar_2022#roadto2022 pic.twitter.com/EgSAvCSCBj
— Qatar Highlighter (@QHighlighter) June 15, 2022
Ka edhe vendime të tjera zyrtare. Dita e fundit në nivel klubesh për 23-26 lojtarët e zgjedhur në listë do të jetë 13 nëntori 2022.
Jo më shumë se 26 persona (deri në 15 zëvendësues dhe 11 drejtues skuadre, – një prej tyre duhet të jetë mjeku i skuadrës) mund të ulen në stol.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
