Gazeta Si – Tani është zyrtare. Audi ka zgjedhur skuadrën Sauber për të hyrë në Formula 1 në vitin 2026. Lajmi ishte i pritshëm, sidomos pas braktisjes që Alfa Romeo i bri skuadrës zvicerane.
Kompania e njohur gjermane ka zyrtarizuar blerjen nga ana e Audit të një pjese të aksioneve të ‘Sauber Group’, por pa i specifikuar kuotat në maxhorancë apo jo. Fin Rausing, president i ‘Sauber Holding’, e ka mirëpritur Audin:
“Është e qartë se të dyja kompanitë ndajnë të njëjta vlera dhe të njëjtin vizion. Mezi presim të arrijmë objektivat tona të përbashkëta me një partner të fortë dhe të suksesshëm”, – tha ai.
“Partneriteti mes Audit dhe ‘Sauber Motorsport’ është një hap i rëndësishëm për skuadrën tonë, – ka thënë Frederik Vaseur, – që do të na mundësojë të vazhdojmë të afrohemi me rreshtat e parë në start.
Të jemi skuadra zyrtare e Audit nuk është vetëm një nder, por edhe përgjegjësi e madhe, si dhe një opsion i mirë për të ardhmen. Jemi besimplotë se mund ta ndihmojmë këtë kompani të madhe të arrijë objektivat që ka fiksuar për projektin e ti në Formula 1”.
“Jemi krenarë që bashkohemi me një partner kaq ekspert dhe kompetent për projektin tonë ambicioz në Formula 1”, – pohon Oliver Hofman, pjesëtar i këshillit për zhvillimin teknik të AUDI AG. “E njohim mirë Sauberin, strukturën e tij, ndaj dhe jemi të bindur se së bashku do të bëjmë një skuadër shumë të fortë”, – ka shtuar Hofman.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
