.png)
Nga Gazeta ‘SI’ – Në kuadër të luftës kundër pastrimit të parave, Banka e Shqipërisë ka forcuar kushtet e operimit për zyrat e këmbimit valutor.
Një nga pikat kryesore është kufizimi i vlerës së transaksionit cash në 1 milionë lekë.
“Transaksionet që tejkalojnë shumën 1,000,000 (një milion) lekë ose kundërvlerën e saj në monedha të tjera të huaja, kryhen nëpërmjet llogarive bankare ose llogarive të pagesave”, thuhet në projektrregulloren e Bankës.
Projektrregullorja parashikon që kapitali minimal i kërkuar për licencimin e këtyre zyrave do të dyfishohet, nga 2.5 milionë lekë në 5 milionë lekë. Kjo vlerë do të jetë dhe maksimalja që mund të mbajnë zyrat në bazë ditore në arkë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
