.png)
Zvicra ka shënuar fitore ndaj Hungarisë me rezultat 3-1 në ndeshje e parë të grupit A në kuadër të Euro 2024.
Helvetët e nisën shumë mirë ndeshje, duke arritur të shënojë që në minutën e 12-të, kur Kwadwo Duah shënoi për 1-0.
Goli u rishikua në VAR dhe doli të ishte i rregullt, për ta dërguar në festë skuadrën zvicerane.
Pas golit, Zvicra ka mundur të shënojë edhe golin e dytë në minutën e 20-të, kur Ruben Vargas gjuajti, por Peter Gulasci bëri pritje të madhe.
Kur pritej të mbyllej pjesa e parë, në skenë doli Michel Aebischer i cili menjë gjuajtje të bukur shënoi për 2-0.
Edhe pjesa e dytë nisi më mirë për zvicranët që rrezikuan me Duah dhe Vargas, por në të dyja rastet Gulacsi ishte në vend.
Ndeshja u hap në minutën e 66-të, kur Dominik Szobodzlai asistoi te Barnabas Varga që shënoi për 2-1.
Granit Xhaka ishte afër të shënonte në fillimin e kohës shtesë, por gjuajtja e tij me kokë u ndal nga portieri hungarez.
Krejt në fund në skenë doli Breel Embolo që me një gjuajtje të bukur shënoi për 3-1.
Zvicra dhe Gjermania kanë nga tri pikë, ndërsa Skocia dhe Hungaria janë pa pikë në grupin A. /Telegraf
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
