Gazeta Si – Një zjarr i rënë në barakat e komunitetit rom në Shkodër i ka marrë jetë mbrëmjen e djeshme një 55-vjeçari.
Ngjarja ndodhi tek barakat përtej Urës së Bunës, ku jeton një pjesë e këtij komuniteti.
Sipas burimeve paraprake, viktima është K.N. Ndërkohë e plagosur ka mbetur bashkëshortja e tij, N.N. Gruaja ka marrë dëmtime të shumta dhe është transportuar drejt Spitalit të Tiranës në QSUT për mjekim të specializuar.
Fqinjët treguan për mediat se çifti i bashkëshortëve ishin në gjumë kur ra zjarri.
Sipas tyre, gruaja arriti të dalë nga banesa ndonëse me djegie të shumta në trup, ndërsa bashkëshorti i saj gjeti vdekjen në vendngjarje. Shkaqet e zjarrit momentalisht mbeten të paqarta.
Ndërkohë, Drejtori i Spitalit Rajonal të Shkodrës, Senad Halluni ka reaguar në lidhje me pretendimet e banorëve të komunitetit rom për vonesën e ambulancës për dhënien e ndihmës së parë.
Banorët e komunitetit rom pretenduan se autoambulanca dhe zjarrfikësja kanë mbërritur me vonesë. Megjithatë, sipas asaj që ka deklaruar drejtori rajonal i Shkodrës pëe mediat, ambulanca ka shkuar menjëherë në vendin e ngjarjes, rreth 7 minuta pas marrjes së njoftimit të dhënë nga zjarrfikësit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
