Zjarret rrethojnë Jeruzalemin, 155 ekipe në terren. Izraeli kërkon ndihmë ndërkombtare

Gazeta Si – Departamenti i zjarrfikësve i Izraelit, tha se 155 ekipe zjarrfikëse po vazhdonin të luftonin zjarret e mëdha në të gjithë vendin, me avionët që rifilluan operacionet për të shuar flakët pas lindjes së diellit.

“Në këtë fazë, ne nuk kemi marrë ende kontrollin e zjarreve”, – tha një deklaratë nga Shërbimi i Zjarrfikësve dhe Shpëtimit të Izraelit, raportuar nga “Times of Israel”.

Ndërkohë, 17 zjarrfikës raportuan për lëndime, dy prej të cilëve u dërguan në spital. Zjarret në periferi të Jerusalemit kanë detyruar autoritet izraelite të urdhërojnë evakuimin e komuniteteve dhe mbylljen e autostradës kryesore Tel Avviv-Jerurzalem.

Vatrat e zjarrit kanë dalë jashtë kontrollit për shkak të motit të pafavorshëm i karakterizuar nga temperaturat e larta dhe erërat e forta.

Autoritet në Izrael kanë kërkuar ndihmën e shteteve të huaja në përpjekje për të shuar këto zjarre. Ministri i Jashtëm i Izraelit, Gideon Sa’ar, zhvilloi një maratonë bisedimesh me vende të tjera për të sjellë avionë zjarrfikës, veçanërisht me vendet fqinje në Evropë.

Horrifying footage is coming out of Jerusalem and across Israel as massive fires continue to spread. I pray for the safety of all—Israelis and Palestinians.

In moments like this, may we remember that every life matters, and let our response be rooted in humanity and solidarity. pic.twitter.com/ot0qOoPqY4
— Ihab Hassan (@IhabHassane) April 30, 2025

Kryeministri Benjamin Netanyahu tha se Italia dhe Kroacia pritet të dërgojnë tre aeroplanë zjarrfikës për të ndihmuar në shuarjen e flakëve. Izraeli gjithashtu i ka bërë thirrje Greqisë, Qipros dhe Bullgarisë, tha Ministria e Jashtme.

Zjarri shpërtheu në Ditën Përkujtimore të Izraelit për ushtarët e rënë dhe shumë ceremoni që shënonin pragun e Ditës së Pavarësisë u anuluan, përfshirë edhe ngjarjen kryesore shtetërore që do të mbahej në Jerusalem.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.