.png)
Ka shkuar në 54 numri i viktimave si pasojë e zjarreve shkatërrimtare që kanë përfshirë prej disa ditësh ishullin e Hawaiit.
Dëme kolosale dhe dhjetëra të lënduar, teksa bilanci i fataliteteve mund të thellohet dhe më tej, është pasqyra e një prej fatkeqësive më të mëdha natyrore që kanë përfshirë zonën turistike.
Gjithçka është rrafshuar në qytetin e vjetër të Maui, çka bëri që presidenti Biden të shpall gjendjen e emergjencës. Dëme të mëdha, e qindra shtëpi të djegura raportohen dhe në qytetin Lahaina.
Aktualisht, strukturat e mbetura turistike pa u prekur nga flakët janë mbyllur dhe nuk lejohet hyrja e turistëve.
Në konferencën e fundit për shtyp, shefi i zjarrfikësve tha se asnjë nga zjarret në Maui nuk ishte kontrolluar ende plotësisht, por zjarrfikësit po bëjnë përparim. Ekspertët e kanë ende të paqartë se çfarë e shkaktoi këtë situatë apokaliptike dhe shumë prej tyre e lidhin me ndryshimet klimaterike.
Energjia dhe interneti janë të ndërprera për shumë njerëz në të gjithë ishullin, gjë që po ndërlikon përpjekjet për të gjetur personat e humbur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
