Një 79-vjeçar, me iniciale M.P., ka humbur jetën këtë të enjte në Shkodër, pasi banesa e tij është përfshirë nga zjarri. Ngjarja ka ndodhur rreth orës 14:00 në lagjen “Xhabije”.
Në banesë ndodhej i moshuar, i cili është asfiksuar nga tymi gjatë rënies së zjarrit dhe si pasojë ka ndërruar jetë menjëherë.
Ai nuk ka mundur të lëvizë për shkak se ishte i paralizuar. Ndërkohë bashkëshortja e tij është dërguar në spital, ku po merr ndihmë mjekësore.
Dyshimet e para janë se zjarri mund të jetë shkaktuar nga ndonjë shkëndijë elektrike ose ndonjë mjet të cilin çifti e përdorte për t’u ngrohur.
Të parët që e sinjalizuan zjarrin, kanë qenë fqinjët, të cilët kanë parë tymin. Ata kanë tentuar të ndërhyjnë me mjete rrethanore, por më pas kanë kërkuar ndihmë të specializuar. Grupi hetimor po punon për të zbardhur shkaqet e plota të zjarrit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
