.png)
Nga Gazeta Si- Është përfshirë nga flakët një garazhd në një pallati 8-katësh në Tiranë.
Ngjarja ka ndodhur tek Komuna e Parisit, tek Kika 1, ndërsa në vendngjarje ishin shërbimet e Policisë të cilët për më shumë se një orë kanë punuar për evakuimin e banorëve.
Shërbimet zjarrfikëse kanë arritur të fikin flakët që kishin përfshirë ambientin ndërkohë që ende ka prani tymi në zonë.
Ministria e Mbrojtjes bën me dije se sipas raportimeve nga strukturat e Mbrojtjes Civile të Bashkisë Tiranë, zjarri në katin nëntokë të Kompleksit Kika në Komunën e Parisit është vënë nën kontroll nga 2 mjete zjarrfikëse dhe 10 efektivë zjarrfikës.
Janë djegur 3 automjete të parkuara, banorët janë evakuuar dhe situata nuk paraqet rrezik për njerëzit. Ka ende prezencë tymi dhe paraprakisht dyshohet se shkaku është një shkëndijë elektrike.
Pesë ditë më parë (20 janar 2025) flakët përfshinë katin e katër të një ndërtese po në Komunën e Parisit, tek Kika 2. Nga flakët, të cilat u shkaktuan nga një defekt elektrik, u dogjën zyrat e një banke të nivelit të dytë në katin e 5-të.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
