Gazeta Si – Një 70-vjeçar ka humbur jetën mesditën e së mërkurës në Vlorë për shkak të një zjarri që përfshiu banesën e tij.
Ngjarja ndodhi në lagjen “Osman Haxhiu”, teksa zjarri përfshiu banesën e vjetër e cila u shkrumbua menjëherë dhe për shkak të konstruksionit të saj me dru.
Sipas të dhënave paraprake, i moshuari që ndërroi jetë nuk mundi të largohej nga banesa pasi ishte i paralizuar.
Shkak për zjarrin mendohet të ketë qenë një pajisje ngrohëse që mendohet se i moshuari kishte lënë ndezur.
Zjarrfikësit shkuan menjëherë në vendngjarje dhe izoluan flakët, por nuk mundën të shpëtonin të moshuarin.
“Rreth orës 11:35, në lagjen “Osman Haxhiu”, dyshohet se aksidentalisht ka rënë zjarr në banesën e shtetasit Th. L., rreth 70 vjeç, (tetraplegjik), i cili për shkak të dëmtimeve të shkaktuara nga flakët, ka humbur jetën, brenda në banesë”, thuhet në njoftimin e policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
