Gazeta Si – Trajneri aktual i Francës, mes impenjimeve zyrtare dhe situatave personale, ka humbur disa evente të organizuara nga ish-shokët. Ai ka përfunduar jashtë grupit të formuar nga Zidan&Co.
Miqësia në kohën e rrjeteve sociale dhe WhatsApp-it rrezikon t’i ndryshojë me shpejtësi gjërat, edhe kur bëhet fjalë për 25 vjet solidaritet. Sipas ‘L’Equipe’ e më pas disa tabloidëve europianë, ka një krisje mes kapitenit të Francës kampione bote në 1998-ën, Didier Deshamp, dhe shokëve të tij të skuadrës.
Të gjithë pjesëtarë të një chat-i të konceptuar si një “ritakim familjar”, ku shkëmbehen urimet dhe fiskohen takimet klasike të festimeve mes tyre. Impenjimet e shumta të trajnerit të Francës kanë përfunduar duke krijuar një qark të shkurtër në nivelin e raporteve, me pasoja të paimagjinueshme.
Duken si rregulla ‘klani’, por ka miqësi dhomash zhveshjeje aq të konsoliduara që zgjatin edhe pas karrierës me të njëjtën logjikë. Mungesat e Deshamp, si te 50-vjetori i Zidan që u festua në Marrakesh, apo darka e 25-vjetorit të triumfit të ’98-ës, të dezertuara nga “kapiteni”, kanë sjellë një krisje me ish-shokët e ekipit.
Në rastin e parë shkak ishte vdekja e babait të Deshamp dhe në të dytin impenjimi me Francën për ‘Qatar 2022’, por “grupi” ka vendosur ta përjashtojë nga chat-i trajnerin e ‘gjelave’. Skandali i Le Graet pastaj i dha goditjen e fundit situatës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
