Gazeta Si – Zizu ka hequr dorë për momentin nga kombëtarja franceze. Misioni i tij tashmë është të çojë PSG-në në majën e futbollit europian. Zinedin Zidan është bindur për të marrë drejtimin e parisienëve.
Për të drejtuar talentet më të mëdha duhet një që talent ka pasur shumë për të ‘shitur’. Ose ndoshta, sepse e di si fitohet Championsi dhe në Paris kanë shumë nevojë për një të tillë. Fakt është që tashmë PSG ia ka arritur qëllimit.
Klubi francez e ka bindur Zinedin Zidan të firmosë kontratën. Natyrisht, është një kontratë që e mbulon me ar trajnerin e njohur. Do të jetë ai, sipas Daniel Riolo të “After Rmc”, trajneri i ardhshëm i kampionëve të Francës.
Poçetino dhe një pjesë e drejtuesve të klubit kanë përfunduar në bankën e të akuzuarve. Për shkak të dështimit në Champions, ata do të largohen. Sepse Championsi është e vetmja gjë që ka vlerë, duke parë investimet.
Burimi është shumë i besueshëm. Riolo është ai që ka dhënë i pari lajmin e kalimit të Mesit te PSG dhe më pas atë të rinovimit të Mbape. Një ‘orakull’ nën hijen e Kullës Eifel, që tani garanton për ardhjen e Zidan në stolin e PSG-së.
Koha e Poçetinos ka përfunduar dhe është vetëm çështje ditësh njoftimi zyrtar për emërimin e Zidan. Para se të marrë drejtimin e Francës së Deshamp, Zizu do të provojë të çojë PSG-në në majën e Europës, pas dështimit të paraardhësve të tij.
🚨 BREAKING !
— Instant Foot ⚽️ (@lnstantFoot) June 9, 2022
Zinedine Zidane va signer au PSG annonce Daniel Riolo au micro de l’After RMC ! pic.twitter.com/7LfkGqmW7t
Kush më mirë se ai mund ta bëjë këtë? Para se të linte Madridin, ai e ngriti tri herë kupën me veshë të mëdhenj. Një specialitet i tij.
Është logjike që pronarët e pasur të PSG-së të mendonin për Zidan. Tani mbetet të shihet çfarë do të bëjë ai me Mesi dhe Mbape në skuadër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
