.png)
Nga Gazeta ‘Si’- Edhe pse jo i pranishëm fizikisht, kryeministri Edi Rama zhvilloi këtë të hënë një mbledhje më të gjithë drejtuesit politik, ku direktivat i dha online.
Përpos diskutimit për votën e diasporës, mësohet se në mbledhje ka patur edhe dy ndryshime në drejtimin politik.
Pandeli Majko është caktuar të angazhohet si drejtues i fushatës në Kavajë për zgjedhjet parlamentare të 11 majit. Majko u largua si drejtues politik nga Kukësi në mbledhjen e kaluar të kryesisë.
Ndërkohë, Ministri i Brendshëm, Ervin Hoxha do të angazhohet në qarkun e Tiranës, në njësinë numër 1 duke zëvendësuar Eduard Shalsin. Ky i fundit në mbledhjen e kaluar të kryesisë u emërua drejtues politik në qarkun e Kukësit.
Në terren do të angazhohen po ashtu edhe ministret Ogerta Manastirliu, Albana Koçiu, Delina Ibrahimaj, si edhe Kryeparlamentarja, Elisa Spiropali.
Sa i përket mospjesëmarrjes fizike të Ramës në këtë mbledhje, bëhet me dije se arsyeja është për faktin se kryeministri do të udhëtojë këtë të hënë drejt Italisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
