.png)
Nga Gazeta ‘Si’- Misioni vëzhgues i OSBE/ODIHR ka nisur zyrtarisht punën për monitorimin e zgjedhjeve në Shqipëri.
Drejtuesi i misionit, Lamberto Zannier, deklaroi në një konferencë për media se ekipi i tij do të ndjekë nga afër të gjitha aspektet e procesit zgjedhor dhe do të publikojë gjetjet në raportet zyrtare.
Ai tha se do të jenë 26 vëzhgues afatgjatë dhe 300 afatshkurtër afër ditës së zgjedhjeve dhe shtoi se misioni nuk do të kryejë aksione të tjera përtej mandatit të vëzhgimit.
“Objektivi i misionit të vëzhgimet të zgjedhjeve është të vlerësojë mënyrën sesi do kryhen këto zgjedhje, nëse do të jetën në përputhje me angazhimet që ka marrë Shqipëria lidhur me OSBE si dhe me detyrimet dhe standarde të tjera ndërkombëtare që rregullojnë zgjedhje demokratike.
Për arritjen e këtij objektivi, do të përfshihen zhvillime para dhe pas zgjedhjeve”, deklaroi ai.
Zannier, deklaroi se ekipi i tij do të vlerësojë të gjitha aspektet e zgjedhjeve, përfshirë edhe përdorimin e mundshëm të parave të krimit në fushatë.
“Metodologjia jonë e vëzhgimit përfshin edhe këtë çështje. Do të analizojmë situatën në terren dhe masat e marra mbi rekomandimet e mëparshme,” tha Zannier.
I pyetur mbi planin e SPAK për hetimin e krimeve zgjedhore dhe mundësinë e bashkëpunimit për raportimin e shkeljeve, Zannier tha se është ende herët për të dhënë një opinion mbi këtë çështje.
Ai shtoi se do të do të jetë bashkëpunues me autoritetet dhe metodologjia e tij do të mbështetet në stardardet e vendosura për vëzhgimin zgjedhor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
