Banka e Shqipërisë dakordësoi me Bankën Qendrore Europiane zgjatjen e afatit të linjës së likuiditetit në euro, deri në muajin mars 2022.
Banka Qendrore Europiane(BQE) vendosi në muajin dhjetor 2020 të ofrojë një zgjatje të afatit prej nëntë muajsh të linjave të saj të përkohshme të marrëveshjeve SWAP dhe REPO me bankat qendrore të shteteve joanëtare të Eurozonës.
Qëllimi këtyre linjave të likuiditeitit në euro është përballimi i nevojave të mundshme për likuiditet në euro në rast të mosfunksionimit të tregjeve për shkak të COVID-19.
Sipas kësaj marrëveshje Banka e Shqipërisë mund të marrë hua deri në €400 milionë nga BQE.
Banka e Shqipërisë vlerëson se ky instrument rezervë mbetet i dobishëm në kuadër të kujdesit ndaj efekteve të pandemisë mbi tregun financiar , pavarësisht se deri tani kjo marrëveshje huaje e kolaterizuar nuk ka qenë e nevojshme të përdoret.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
