.png)
Nga Gazeta ‘Si’- Presidenti ukrainas Volodymyr Zelensky tha se Ukraina dhe Europa së shpejti do të jenë gati t’i paraqesin SHBA-ve “planin e përmirësuar” të paqes, duke marrë parasysh diskutimet e fundit në nivelin e këshilltarëve të sigurisë kombëtare.
Në një postim në mediat sociale, ai tha se puna vazhdon “shumë aktive mbi të gjitha komponentët e hapave të mundshëm drejt përfundimit të luftës”.
“Komponentët ukrainas dhe evropianë tani janë më të zhvilluar dhe ne jemi gati t’ua paraqesim ato partnerëve tanë në SHBA”, tha ai.
Po ashtu Zelensky ka vijuar duke thënë se “së bashku me palën amerikane, presim që shpejt t’i bëjmë hapat e mundshëm sa më të realizueshëm të jetë e mundur”.
Zelensky theksoi se Ukraina mbetet “e përkushtuar ndaj një paqeje të vërtetë” dhe theksoi se “gjithçka varet nëse Rusia është gati të ndërmarrë hapa efektivë për të ndaluar gjakderdhjen dhe për të parandaluar rindezjen e luftës”.
“Në të ardhmen e afërt, ne do të jemi gati t’i dërgojmë Shtetet e Bashkuara dokumentet e rafinuara”, përfundoi ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
