.png)
Nga Gazeta ‘Si’- Presidenti ukrainas, Volodymyr Zelensky akuzon Rusinë se “po përpiqet të fitojë kohë” për të vazhduar luftën në Ukrainë.
Deklarata e Zelenskyt vjen një ditë pasi presidenti i SHBA-ve Donald Trump tha se është bërë përparim drejt një armëpushimi pas bisedës telefonike që ai zhvilloi me homologun rus, Vladimir Putin.
“Nëse Rusia vazhdon të paraqesë kushte jorealiste dhe të minojë progresin, duhet të ketë pasoja të rënda”, shkroi presidenti i Ukrainës në rrjetet sociale, duke shtuar se Kievi është gati që të negociojë, raporton BBC.
Pas telefonatave të ndara me Zelenskyn dhe Putinin të hënën, Trump tha se bisedimet për armëpushim midis Rusisë dhe Ukrainës do të fillonin “menjëherë”.
Putin tha se ishte gati të punonte për një “memorandum mbi një marrëveshje të mundshme paqeje në të ardhmen”, por nuk iu përgjigj thirrjeve për një pauzë 30-ditore të luftimeve.
Të martën, Kremlini minimizoi sugjerimet se negociatat ishin të ngushta, me agjencitë shtetërore ruse të lajmeve që cituan zëdhënësin Dmitry Peskov i cili u shpreh “nuk ka afate dhe nuk mund të ketë asnjëherë”.
Ndërkohë, Zelensky nisi një raund të ri diplomacie, duke folur me aleatët perëndimorë në një përpjekje për të forcuar mbështetjen.
Pas një telefonate me presidentin finlandez, Zelensky shkroi në mediat sociale se Ukraina po punonte me partnerët për të siguruar që presioni mbi Moskën “i detyron rusët të ndryshojnë sjelljen e tyre”.
Kjo ndodhi pasi Bashkimi Evropian dhe Mbretëria e Bashkuar njoftuan miratuan raunde të reja sanksionesh kundër Rusisë.
BE-ja tha se po futë në listën e zezë gati 200 anije cisterna të tjera nafte në “flotën në hije” të Rusisë dhe paralajmëroi për një “përgjigje më të ashpër” nëse Moska nuk binte dakord për një armëpushim në Ukrainë.
Kujtojmë se dje, Trump la të kuptohej se nuk do të bashkohej me asnjë sanksion të ri ndaj Rusisë, duke u thënë gazetarëve se ato mund të pengonin progresin e kohëve të fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
