Presidenti i Ukrainës, Volodymyr Zelensky nuk kërkoi falje për debatin e nxehtë me Presidentin Donald Trump në Zyrën Ovale, por tha për Fox News në një intervistë ekskluzive se ishte i bindur se marrëdhënia e tyre mund të shpëtohet..
“Jo, unë respektoj presidentin dhe respektoj popullin amerikan, mendoj se ne duhet të jemi shumë të hapur dhe shumë të sinqertë. Nuk jam i sigurt nëse bëmë diçka të keqe. Mendoj se disa gjëra duhet t’i diskutojmë jashtë mediave, me gjithë respektin për demokracinë dhe mediat e lira”, tha presidenti i Ukrainës.
Volodymyr Zelensky shtoi se marrëdhënia e tij me SHBA-në mund të riparohet ende pas shkëmbimeve të ashpra me Donald Trump dhe JD Vance në Shtëpinë e Bardhë.
“Do të jetë e vështirë pa mbështetjen tuaj,” tha Zelensky në Fox.
Presidenti Trump u tha gazetarëve më vonë të premten se Zelensky po “tepron” dhe duhet të pranojë të mbyllë luftën “menjëherë”.
Takimi i Zelenskyy me Trump dhe Zëvendës Presidentin JD Vance shpërtheu në një debat të zhurmshëm në Shtëpinë e Bardhë të Premten që u pa në mbarë botën. Presidenti ukrainas udhëtoi për në Shtetet e Bashkuara për t’u takuar me Trump, pasi komandanti i përgjithshëm tha se negociatat e paqes për t’i dhënë fund luftës midis Ukrainës dhe Rusisë janë në fazën përfundimtare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
