Gazeta Si – Tre persona kanë rënë në pranga këtë të martë, pasi kanë përshtatur një vilë 3 katëshe në “shtëpi bari” në Fier.
Të arrestuar janë pronari i vilës, i cili kishte përshtatur 5 dhomat e njërit kat për kultivimin e bimëve narkotike, si edhe edhe faturisti dhe elektricisti i OSHEE-së, me këta të fundit që akuzohen për veprën penale “Shpërdorimi i detyrës”.
Policia ka sekuestruar 181 bimë narkotike të cilat ishin kultivuar në vazo që u gjetën brenda ambienteve të përshtatura me llamba, dhjetëra llamba dhe pajisje të tjera elektrike që ishin instaluar në 5 ambientet e banesës. Gjithashtu, u bë bllokimi i vilës 3-katëshe ku kultivoheshin bimët narkotike.
Policia thotë se janë arrestuar: E.M. alias Xh.G., 44 vjeç, banues në Dërmënas, Fier, për veprat penale “Prodhimi dhe shitja e narkotikëve” dhe “Vjedhja e energjisë elektrike”.
Ky shtetas është pronari i vilës në të cilën policia zbuloi 5 ambientet e përshtatura për kultivim të bimëve narkotike;
Si dhe: K.G., 40 vjeç, banues në Fier, me detyrë faturist i OSHEE-së, për veprën penale “Shpërdorimi i detyrës”;
-B. F., 47 vjeç, banues në Fier, me detyrë elektricist i OSHEE-së, për veprën penale “Shpërdorimi i detyrës”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
