.png)
Gazeta Si – Një parcelë me rreth 1000 fidanë kanabisi është zbuluar në fshatin Libofshë të Fierit, në kuadër të operacionit kombëtar “Koordinata” kundër kultivimit të bimëve narkotike.
Policia ka ndërhyrë në vendin e quajtur “Gropa e Mollës”, ku fidanët ishin mbjellë dhe po kultivoheshin në mënyrë të fshehtë. Pas zbulimit, bimët narkotike janë asgjësuar përmes djegies në vendngjarje.
Në përfundim të veprimeve hetimore është arrestuar autori i dyshuar, një 63-vjeçar me inicialet A. M., banor i zonës. Sipas burimeve policore, ai dyshohet se ishte përgjegjës për kultivimin e fidanëve.
Hetimet vijojnë për të zbuluar nëse në këtë veprimtari janë përfshirë edhe persona të tjerë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
