Një trajtim i mundshëm për Covid duke përdorur plazmën e gjakut nuk zvogëlon mundësitë që pacientët në spitale të mos ndërrojnë jetë, tregon një raport i ri. Rezultatet janë një tronditje për studiuesit, pasi ideja i drejtoi të gjithë drejt mbledhjes dhe dhurimeve të plazmës. Sipas të dhënave kishte interes të madh ndërkombëtar për rolin e plazmës rikuperuese si një trajtim i mundshëm për pacientët në spital me Covid-19. Trajtimi përfshin plazmën e gjakut që merret nga njerëzit që janë rikuperuar nga sëmundja e cila përmban antitrupa ndaj koronavirusit dhe transferohet në pacientë të sëmurë rëndë. Shpresohej se dhurimi i plazmës do t’i jepte sistemit imunitar të personave që e merrnin një nxitje për të luftuar Covid-19.
Gjithashtu,një analizë e hershme e 1,873 vdekjeve në mesin e 10,400 pacientëve në Mbretërinë e Bashkuar tregon se trajtimi nuk bëri “asnjë ndryshim të rëndësishëm”.
Në grupin e trajtuar me plazmë rikuperuese, 18% e pacientëve vdiqën brenda 28 ditëve e njëjta shifër për grupin që kanë marrë trajtim normal. Pacientët në studim janë ende duke u ndjekur dhe rezultatet përfundimtare do të publikohen së shpejti. Në fillim të kësaj jave, një studim i veçantë nuk tregoi prova se i njëjti trajtim përmirësoi rezultatet për pacientët në kujdes intensiv. Martin Landray, krye hetues dhe profesor i mjekësisë dhe epidemiologjisë në Departamentin e Shëndetit të Popullsisë në Nuffield, Universiteti i Oksfordit, tha se prova e Rimëkëmbjes tregoi “vlerën e provave të mëdha të rastësishme për të vlerësuar siç duhet rolin e trajtimeve të mundshme”. Ai shpjegon se studimi ende po heton trajtime të tjera, duke përfshirë tocilizumab, aspirinën dhe një koktej antitrupash.
Peter Horby, i cili gjithashtu morri pjesë në studim në provë, tha se prova më e madhe ndonjëherë e plazmës rikuperuese “ishte e mundur vetëm falë dhurimit bujar të plazmës nga pacientët e rikuperuar për të kontribuar në përparimin e kujdesit mjekësor”.
“Ndërsa rezultati i përgjithshëm është negativ, ne duhet të presim rezultatet e plota përpara se të mund të kuptojmë nëse plazma rikuperuese ka ndonjë rol në nën-grupe të veçanta të pacientëve,” tha ai.
Burimi: BBC/ Përktheu: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
