Më 6 dhjetor do të mbahet në Tiranë Samiti i BE-së me vendet e Ballkanit Perëndimor.
Këshilli i BE-së ka publikuar të enjten axhendën zyrtare të Samitit.
Ky është samiti i parë mes liderëve të BE-së dhe Ballkanit Perëndimor që do të zhvillohet në rajonin e Ballkanit Perëndimor.
Samiti konsiderohet nga Këshilli Europian një mundësi për të rikonfirmuar rëndësinë kyçe të partneritetit strategjik midis BE-së dhe Ballkanit Perëndimor, një rajon me një perspektivë të qartë të BE-së.
Temat kryesore të diskutimit do të jenë:
Pasojat e agresionit rus kundër Ukrainës
Intensifikimin e angazhimit politik dhe përforcimi i sigurisë, ndërtimi i qëndrueshmërisë ndaj ndërhyrjeve të huaja duke adresuar sfidat e paraqitura nga migrimi, lufta kundër terrorizmit dhe krimit të organizuar
Liderët pritet të mbajnë një deklaratë të përbashkët në fund të samitit.
Pikat kryesore të Samitit:
Lufta e Rusisë kundër Ukrainës
Udhëheqësit do të diskutojnë bashkëpunimin përballë sfidave të përbashkëta që rrjedhin nga lufta e Rusisë ndaj Ukrainës.
Ata do të shikojnë më konkretisht se si të trajtohen pasojat e tij negative tek energjia dhe siguria ushqimore në Ballkanin Perëndimor.
Secila nga temat do të shoqërohet në samit edhe me informacionin përkatës
Angazhimi politik
Udhëheqësit e BE-së dhe të Ballkanit Perëndimor do të diskutojnë mënyrat e thellimit të angazhimit politik, me fokus të veçantë të rinjtë.
Ata gjithashtu do të bëjnë vlerësimin e progresit të bërë:
drejt integrimit të Ballkanit Perëndimor me tregun e brendshëm të BE-së për modernizimin e sistemeve të tyre të pagesave në përputhje me standardet e BE-së në fushën dixhitale, në zbatimin e Rrugëve të Gjelbërta BE-Ballkani Perëndimor
Siguria dhe qëndrueshmëria ndaj ndërhyrjeve të huaja
Samiti do të jetë një mundësi për të diskutuar veprimet e koordinuara për çështjet e sigurisë dhe mbrojtjes, të cilat janë bërë edhe më të rëndësishme në kontekstin e agresionit rus kundër Ukrainës.
Menaxhimi i migracionit
Udhëheqësit do të shkëmbejnë pikëpamjet për trajtimin e përbashkët të menaxhimit të migracionit pasi numrat e migrimit të Ballkanit Perëndimor janë rritur ndjeshëm gjatë vitit të kaluar. Kjo përfshin harmonizimin e politikës së vizave të BE-së dhe bashkëpunim në sistemet e kthimit.
Ata do të diskutojnë gjithashtu se si të forcohet bashkëpunimi kundër-terrorizmit dhe parandalimin e radikalizimit.
Agjenda
Ora 10:15- Mbërritjet dhe mirëpritja zyrtare
Ora 11:00- Shkëmbim pikëpamjesh
Ora 12:15- Seancë plenare dhe drekë pune
Ora 14:30- Konference për shtyp.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
