Trofeu i Superkupës Mbarëkombëtare i ka takuar Golden Eagle Ylli, që ka mundur Sigal Prishtinën në finalen e zhvilluar në Shkodër, me rezultatin 76:67. Katër periodat përfunduan me rezultatet 17:16, 23:14, 15:18 dhe 21:19.
Ylli, pas periodës së parë të ekuilibruar, nisi shkëputjen në periodën e dytë, në fund të së cilës e çoi rezultatin në 40:30. Epërsia e Yllit vazhdoi edhe në periodën e tretë. Për një moment Prishtina e ngushtoi rezultatin në 67:63, por pa mundur të bëjë më shumë. Ylli shënoi 76 pikë në fund, ndaj 67 të Prishtinës.
Festa ishte për ekipin e Yllit, që në gjysmëfinale kishte eliminuar Teutën. Kapiteni i skuadrës, Gëzim Morina, ngriti lart trofeun, që iu dorëzua nga kryetari i Bordit të Ligës Unike, Ilir Trebicka. Lojtari më i mirë i ndeshjes u shpall Mikaile Tmusiq. Ky është trofeu i dytë mbarëkombëtar për Yllin, që më parë ka fituar edhe Ligën Unike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
