Bonot 12 mujore u emetuan me një yield mesatar të ponderuar 1.63%, nga 1.71% që kishte qenë në ankandin e mëparshëm, sipas të dhënave të Bankës së Shqipërisë.
Qeveria siguroi një financim prej 6.8 miliardë lekësh, ndërsa shuma e kërkesave të paraqitura në ankand ishte rreth 8.9 miliardë lekë. Përqindja e pranuar e ofertave konkurruese në ankand ishte relativisht e ulët, me 40.4%.
Në nëntor qeveria emetoi Eurobonde 650 milionë eurosh në Bursën e Londrës të cilët do të përdoren për të shlyer detyrimet e borxhit të jashtëm por edhe për financimin e deficitit buxhetor që do të krijohet gjatë vitit 2022.
Norma e inflacionit në Shqipërisë është ende larg niveleve që po regjistrohen në SHBA dhe në Eurozonë. Sipas Instat, për muajin tetor inflacioni vjetor ishte 2.4%, afërsisht sa gjysma e inflacionit në Eurozonë dhe poshtë objektivit prej 3% të Bankës Qendore Europiane.
Mbështetur në këto pritshmëri, Këshilli Mbikëqyrës i Bankës së Shqipërisë paralajmëroi në nëntor se gjatë vitit 2022 mund të nisë normalizimi i politikës monetare, që në rastin e Shqipërisë do të nënkuptonte rritjen e normave të interesit.
Pavarësisht këtyre sinjaleve, tregu ende nuk duket se po ndesh një shqetësim të madh për rritjen e normave të interesit.
Kjo dëshmohet nga stabiliteti, me tendencë në rënie të lehtë të yield-eve të borxhit të qeverisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
