Gazeta Si – FIFA ka postuar së fundi një karikaturë që paralajmëron Botërorin e Katarit. Në të shfaqen kapitenët e 32 skuadrave pjesëmarrëse, por një element ka tërhequre vëmendjen e gjithë shqiptarëve. Ka të bëjë me mesfushorin Granit Xhaka.
Futbollisti shqiptar, kapiten i Zvicrës, është vendosur përkrah kapitenit të Serbisë, Dushan Tadiç. Të dy shfaqen të qeshur, ndërsa Xhaka i ka hedhur serbit dorën në supe plot ngrohtësi.
Who are you most looking forward to watching at the World Cup this year? 💭 #Qatar2022 is calling! 🏆 pic.twitter.com/xg68Bz4ipH
— FIFA World Cup (@FIFAWorldCup) June 14, 2022
Mund të jetë thjesht një rastësi. Mund të jetë e qëllimshme. FIFA kërkon së pari të përcjellë mesazhin e miqësisë dhe respektit mes vendeve. Pse pikërisht Xhaka dhe Tadiç? Një shqiptar dhe një serb?
Në karikaturë, mes kapitenëve të skuadrave janë edhe dy ‘çifte’ të tjera që kanë duken miqësore. Kejn i Anglisë dhe Son i Koresë së Jugut, shokë skuadre te Totenhemi. Edhe Nejmar e Suarez, që kanë luajtur bashkë te Barcelona.
Po Xhaka dhe Tadiç? Nuk kanë luajtur asnjëherë bashkë. Karikatura po qarkullon orët e fundit në rrjetet sociale dhe komentet janë të shumta, sidomos në Kosovë.
Ka shumë nga ata që i ‘kërkojnë’ Xhakës t’i bëjë diçka tjetër serbit. Komente të tjera flasin për civilizim dhe ‘fair play’.
Të gjithë kujtojnë ndërkohë edhe polemikat e festës me shqiponjë të Xhakës e Shaqirit në ndeshjen me Serbinë në Botërorin e fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
