.png)
Gazeta Si – Prokuroria e Tiranës ka kërkuar dënimin me 25 vite burg ndaj Tomor Çelës, ish-policit i cili në vitin 1997 vrau dy persona pas një aksidenti automobilistik dhe që u ekstradua nga SHBA tre vite më parë.
Çela, më 27 nëntor 1997, në rrugën “Bajram Curri” së bashku me vëllain e tij ka qëlluar me armë zjarri automati ndaj viktimave, Ledian Hoxha dhe Elton Dani.
Gjatë hetimit të parë për ngjarjen, nuk ishte përcaktuar shkaku i vrasjes së dy personave. Pas hetimeve të tjera, ëhtë mësuar se 3 ditë para ngjarjes së rëndë kishte bërë aksident me viktimat dhe për pasojë ishin dëmtuar të dy automjetet e tyre.
Pas aksidentit, ish-polici është konfliktuar me viktimat pasi nuk binin dakord për dëmet e shkaktuara. Çela gjatë procesit gjyqësor nuk ka shfaqur asnjë shenjë pendese për krimin që ka kryer në moshë të re.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
