.png)
“Presidentit serb Aleksandar Vuçiç i rrezikohet jeta pasi ka refuzuar të mbështesë vendet perëndimore në konfliktin në Ukrainë”.
Kështu ka pohuar zëvendëskryeministri i sanksionuar nga SHBA, Aleksandar Vulin në një intervistë për median ruse, Ria Novosti.
Vulin tha se autoritetet serbe janë të shqetësuara për sigurinë e presidentit, pas tentativave për vrasjen e kryeministrit sllovak Robert Fico dhe ish-presidentit amerikan Donald Trump.
“Pas tentativës për vrasje ndaj zotit Fico dhe më vonë Trumpit, i thashë Vuçiçit të ishte vigjilentë”, tha Vulin, “kjo ndodh sepse të gjithë liderëve që bëjnë thirrje për një zgjidhje paqësore për Ukrainën, u ndodh diçka”, theksoi Aleksandar Vulin.
Serbia, një aleate tradicionale e shtetit rus, ka refuzuar të vendosë sanksione ndaj Rusisë ose të mbështesë politikat e SHBA-së për Kievin. Brukseli nga ana e tij ka këmbëngulur se aspirata e Beogradit për t’u bashkuar me BE nuk do të realizohet nëse nuk ndryshon kursin e saj në politikën e jashtme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
