Nga Gazeta ‘Si’- “Nuk ekziston ‘Republika e Kosovës’, as sipas të drejtës ndërkombëtare publike, as sipas Kartës së Kombeve të Bashkuara dhe as sipas Rezolutës 1244 të Këshillit të Sigurimit të OKB. Kosova dhe Metohia janë pjesë e Republikës së Serbisë”.
Kështu deklaroi presidenti serb Aleksander Vuçiç në Tivat pas Samitit të Procesit Bërdo-Brioni.
“Imagjinoni që po ju flas për “Republikën e Gucisë” apo “Republikën e Plavës” apo për ndonjë gjë tjetër. Këtë nuk do t’jua them sepse nuk ekziston. Kosova dhe Metohia është pjesë e territorit të Republikës të Serbisë”, tha presidenti serb i pyetur nëse është e mundur të pritet ndryshim i qëndrimit të Serbisë për çështjen e Kosovës dhe pranimin e institucioneve dhe ligjeve të Kosovës për popullatën serbe.
"Kemi vërtetuar se ju mbështesni ndarjen e territorit të Serbisë dhe lëvizjet separatiste në territorin tonë. Kjo është gjëja e parë që kemi vendosur. Nuk do të ketë ndryshim në qëndrimin e Serbisë," iu drejtua Vuçiç gazetarit i cili bëri pyetjen.
Vuçiç, tha sot se Serbia është një vend neutral dhe liridashës dhe se municionet e prodhuara në Serbi janë ndoshta kudo në botë ku bëhen luftëra, por se Serbia gjithmonë eksporton vetëm për përdoruesit e autorizuar.
"Ne nuk eksportojmë asgjë as në Rusi, as në Ukrainë, ka municionet tona në anën ruse, si dhe, supozoj, nga pala ukrainase. Dhe, ndërsa ka luftëra - ka në Sudan, Siri, Izrael”, deklaroi ai.// Tanjug
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
