.png)
Nga Gazeta 'Si'-Kryeministri i Serbisë, Millosh Vuçeviç, tha sot se kryeministri i Kosovës Albin Kurti dëshiron që me hapjen e urës së Ibrit të lidhë me forcë Mitrovicën Veriore dhe Jugore.
Ai për RTS-në tha se Serbia pret një reagim, siç e quajti ai, “adekuat nga komuniteti ndërkombëtar”.
“Fatkeqësisht, veprimet dhe lëvizjet e papërgjegjshme të Albin Kurtit vazhdojnë. Më duhet të them se jam i kënaqur me reagimet e asaj që ne e përkufizojmë si bashkësi ndërkombëtare, mbi të gjitha me deklaratat e komandantit të KFOR-it (gjeneralmajor Ozkan Ulutash). Dje, shefi i Shtabit të Përgjithshëm të Ushtrisë Serbe ka pasur një bisedë me të dhe ai i ka përcjellë qëndrimet tona shumë qartë”, tha Vuçeviçi.
Zëvendësministri i Infrastrukturës, Hysen Durmishi, ka publikuar të martën raportin e vlerësimit të urës së Ibrit, mbi kapacitetet mbajtëse të strukturës së saj, në të cilin raport u tha se ajo është stabile, e qëndrueshme dhe funksionale.
Konkluzionet paraprake të raportit tregojnë se gjatë testimit, te struktura e urës me ngarkesë testuese është vlerësuar se struktura e urës ka reaguar si një strukturë elastike me ulje-deformime të kufizuara dhe të qëndrueshme, si dhe pa plasaritje.
“Pas shkarkimit të strukturës së urës nga ngarkesat testuese, të gjitha ulje-deformimet kanë qenë kthyese, ku ulje-deformime të pakthyeshme pothuajse nuk ka pasur ose kanë qenë të papërfillshme”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
